काठमाडौं । नेपाली बजारमा सुनको मूल्यले फेरि नयाँ कीर्तिमान कायम गरेको छ। आइतबार छापावाल सुनको मूल्य एकैपटक तोलामा ३ हजार रुपैयाँले बढेर २ लाख ३ हजार ६ सय रुपैयाँ पुगेको छ।
नेपाल सुनचाँदी व्यवसायी महासंघका अनुसार शुक्रबार तोलामा २ लाख ६ सय रुपैयाँ रहेको छापावाल सुनको मूल्य आइतबार ३ हजार रुपैयाँले वृद्धि भएको हो।
यसैगरी, चाँदीको मूल्य पनि बढेको छ। शुक्रबार तोलामा २ हजार ३६० रुपैयाँ रहेको चाँदीको मूल्य आइतबार २ हजार ४२५ रुपैयाँ पुगेको महासंघले जनाएको छ।
