प्युठान।प्युठान नगरपालिकामा निर्माण गरिएको कृषि तथा पशुपन्छी सेवा केन्द्रको भवन नगरपालिकालाई हस्तान्तरण गरिएको छ।नेपाल सरकार कृषि तथा पशुपंछी विकास मन्त्रालय ग्रामीण उद्यम तथा आर्थिक विकास आयोजना (रिड) अन्तरगतको आर्थिक कोरिडोर कार्यालय बुटवलले निर्माण गरेको उक्त भवन प्युठान नगरपालिकालाई हस्तान्तरण गरिएको हो।
सोमबार औपचारीक कार्यक्रम गरी नगरपालिकालाई भवन हस्तान्तरण गरिएको थियो ।प्युठान नगरपालिकाका नगरप्रमुख बिष्णु बहादुर योगीले भवनको उद्घघाटन गरेका हुन्।उद्धघाटन कार्यक्रममा बोल्दै नगरप्रमुख योगीले यस भवनले सेवा प्रवाहमा सहजता ल्याउने बताए।“नगरवासी किसान तथा कृषिकहरुलाईको लागि आधारभुत प्रयोगशालाको सेवा प्रदान गरिने छ।” उनले भने–“नगरपालिकामा बढी जसो कृषि काम गर्ने किसानहरु रहेकाले भवन निर्माणले किसानहरुका काम सहजता ल्याउने विश्वास छ।” नगरपालिकावासी किसानहरुको सुरक्षा तथा सहजताका लागि प्रतिवद्ध रहेको समेत बताए ।
कृषि प्रयोगशाला अन्तर्गत माटो परीक्षण, पोखरीको पानी परीक्षण, बालीनाली, तरकारी फलफूलमा लाग्ने किरा परीक्षण र पशु प्रयोगशाला अन्तर्गत पशुको रगत, गोबर, पिसाब परीक्षण, पशुको शल्यक्रिया, कृत्रिम गर्भाधान गर्ने उद्देश्यले उक्त भवनबाट सेवा हुने प्युठान नगरपालिकाका पशु सेवा शाखाका प्रमुख गिरीराज पौडेले बताए।
सेमिनार हल, आधारभूत प्रयोगशाला सहित १० कोठे भवन सिनर्जी विल्डर्सले २ करोड ४७ लाखको लागतमा निर्माण कार्य सम्पन्न गरेका प्रमुख वरिष्ठ पशु चिकित्सक डा.उत्तम आचार्यको जानकारी दिए।
रिड आयोजनाको आर्थिक कोरिडोर कार्यालय बुटवलका प्रमुख वरिष्ठ पशु चिकित्सक डा.उत्तम आचार्यको अध्यक्षतामा सम्पन्न भएको थियो।
