काँकडभिट्टा — धुलाबारी टाइगर र बोस्टर्न ब्लास्टर काँकडभिट्टामा जारी रसोई झापा सुपर लिग क्रिकेट प्रतियोगितामा मंगलबार विजयी बनेका छन् । पहिलो खेलमा धुलाबारीले भद्रपुर राइजिङलाई १७ रनले हरायो ।
बोस्टर्नले विराट वारियर्सविरुद्ध २४ रनको रोमाञ्चक जित निकाल्यो । बोस्टर्नको पहिलो जित हो । टोलीले अघिल्लो दुई खेलमा हार भोगेको थियो ।
१ सय ८० रनको विजय लक्ष्य पाएको विराटले पूरा ओभरमा ९ विकेट गुमाएर १ सय ६५ रनमात्रै बनायो । शिवांश बजगाईंले ३२ रनबाहेक अन्य खेलाडीले दोहोरो अंकमा रन बनाउन सकेनन् । बोस्टर्नका मिनास थापा र विधान गोश्वामीले ३–३ तथा करणले १ विकेट लिए । बुधबार धुलाबारी टाइगर र सनराइज काँकडभिट्टा तथा भद्रपुर राइजिङ किङ र बोस्टर्न ब्लास्टरबीच प्रतिस्पर्धा हुनेछन् ।
