माधव नेपालको चेतावनी: प्रचण्डले दम्भ देखाए कुनै पनि बेला गठबन्धन तोडिन्छ

स्वर्गद्वारी अपडेट समचार डेक्स । नेकपा एकीकृत समाजवादीका अध्यक्ष माधव नेपालले प्रधानमन्त्री प्रचण्डले दम्भ देखाए गठबन्धन कुनै पनि बेला तोडिन सक्ने चेतावनी दिनुभएको छ । आज बिहान वीरेन्द्रनगरमा आयोजित पत्रकार सम्मेलनमा बेल्दै अध्यक्ष नेपालले गठबन्धन टिकाउने हो भने सबैलाई सम्मानजनक व्यवहार हुनुपर्ने बताउनुभएको छ ।अध्यक्ष नेपालले सत्ता गठबन्धनले देश र जनताको पक्षमा काम गरोस् भन्ने आफ्नो अपेक्षा रहेको पनि बताउनुभयो । भ्रष्टाचार, सबै खालका विकृतिबाट टाढा रहने र अरू भन्दा भिन्न देखिन पनि पार्टीका नेता कार्यकर्तालाई उहाले निर्देशन दिनुभएको छ । कर्णाली प्रदेशमा आफ्नो पार्टीलाई सत्ता गठबन्धनले बेवास्ता गरेको पनि उहाले आरोप लगाउनुभएको छ ।