प्युठान।प्रेस सेन्टर नेपाल प्यूठानले प्रमुख जिल्ला अधिकारीलाई १२ बुँदे ज्ञापन पत्र बुझाएको छ।
आज आइतबार प्रेस सेन्टर नेपालले देशभरीका ७७ वटै जिल्ला प्रशासन कार्यालय, ७ वटै प्रदेश सरकार र संघीय सरकारलाई एकै साथ विभिन्न माग राख्दै ज्ञापन पत्र बुझाएको हो । जस अनुसार प्रेस सेन्टर नेपाल प्यूठान शाखाले पनि जिल्ला प्रशासन कार्यालय खलंगामा १२ बुँदे ज्ञापन पत्र बुझाएको हो ।
नेपाल पत्रकार महासंघका निवर्तमान केन्द्रीय सदस्य एवम् प्रेस सेन्टर नेपालका नेता सुशील पोखरेल,प्रेस सेन्टर नेपालका निवर्तमान लेखा समिति संयोजक तुफान अधिकारी, लुम्बिनी प्रदेश कोषाध्यक्ष प्रकाश वैध, जिल्ला सचिव केशर सुनार र जिल्ला सदस्य सुबास श्रेष्ठको उपस्थितिमा प्रेस सेन्टर नेपाल प्यूठानका अध्यक्ष यादब पौडेलले प्यूठानका प्रमुख जिल्ला अधिकारी दिपकराज नेपाललाई १२ बुँदे ज्ञापन पत्र बुझाउनु भएको हो ।
प्रजिअ नेपाल मार्फत सञ्चार तथा सूचना प्रविधि मन्त्रालय सिंहदरबार काठमाडौं, गृह मन्त्रालय सिंहदरबार काठमाडौं, विज्ञापन वोर्ड काठमाण्डौ लगायत अन्य सम्बन्धित निकायलाई वोधार्थ राखेर १२ बुँदे ज्ञापन पत्र बुझाइएको छ ।
