स्याङ्जा, २ असार । स्याङ्जा चापाकोट नगरपालिकाका पूर्व मेयर शिवकुमार गिरीको जीप दुर्घटनामा ज्यान गएको छ । गए राति राङ खोलाबाट स्याङ्जा बजारतर्फ गइरहेको गिरी सवार बा १५ च १७०९ नम्बरको जीप पुतली बजार नगरपालिका १० बर्जामा अनियन्त्रित भई दुर्घटना भएको थियो ।
दुर्घटनामा गम्भीर घाइते भएका ६० वर्षीय गिरीलाई जिल्ला अस्पताल स्याङ्जा पठाएकोमा उपचारको क्रममा राति पौने बाह्र बजे ज्यान गएको जिल्ला प्रहरी कार्यालय स्याङ्जाका सूचना अधिकारी रवीन्द्र खनालले जानकारी दिनुभएको छ । सडकको भित्तामा ठोक्किएर जीप दुर्घटना भएको प्रहरीले जनाएको छ । सवारी चालक पुतली बजार नगरपालिका ९ कोल्मा बस्ने ३२ वर्षीय सुरज नेपालीलाई प्रहरीले नियन्त्रणमा लिएको छ ।