स्वर्गद्वारी अपडेट , प्युठान सोमबार संविधान दिवसको अवसरमा माण्डबि गाउँपालिकाको केन्द्र जस्पुर बजार सरसफाई कार्यक्रम गरी मनाईएको छ । माण्डबि गाउँपालिकाको उपाध्यक्ष पूर्ण प्रसाद कालाथोकी ,वडा -३ अध्यक्ष धनेन्द्र कार्की , ईलाका प्रसासन जस्पुर प्रमुख बाबुराम पुरी ,करदाता सेवा कार्यालय प्रमुख सोनु काफ्ले , कामना बिकास बैंक प्रमुख कृष्ण सुबेदी , अस्थाई प्रहरी पोस्ट जस्पुरको प्रहरी नायव निरीक्षक गणेश बि सी , सिभिल बैंक लिमिटेड प्रमुख राजु खरेल , उन्नति सहकार्लय लघुवित्तीय सँस्था लिमिटेड प्रमुख टेकराज भण्डारी , नापी कार्यालय , मालपोत कार्यालय , सडक डिभिजन कार्यालय प्युठानका कर्मचारीहरु लगायत र जस्पुर बजार ब्यबस्थापन समितिका पदाधिकारीहरुको उपस्थिति रहेको थियो ।
कार्यक्रम मा वडा न. - ३ का वडा अध्क्षय धनेन्द्र कार्की ' घरायसी सरसफाई साथै बातावरणीय सरसफाईमा सबैको ध्यान पुगोस भन्नका लागि सरसफाई कार्यक्रम आयोजना गरिएको हो ' अहिले महामारी रुपमा फैलिएको डेंगु भाईरस पनि फोहोरकै कारणले हुदा अब हामीले सकिन्छ फोहोरलाई सफा गरौ , सकिन्न फोहोर नगरौ ' अब अलि कडाईको साथ वडा कार्यालयले फोहोर अनुगमन तथा जथाभावी फोहोर फालेमा जरिवाना समेत गराउने बताए ।
' सडक डिभिजन कार्यलय हाम्रै आगनमा हुँदा समेत ढल बग्ने नाली बर्षौ देखि सफा नगरेको भन्दै स्थानीय टोपेन्द्र ध्वज थापाले सुनाए ' जनताको सरकार गाउँ घर मै आईसकेको हुँदा अब स्थानीय सरकारले फोहोर मैला तथा सरसफाईमा बिषेश ध्यान पुगोस थापाले बताए । ईलाका प्रशासन कार्यालय प्रमुख बाबुराम पुरीले 'हामि जति स्मार्ट हुन्छौ फोहोरलाई पनि त्यति स्मार्ट बनाउनपर्छ ,हामीमात्र स्मार्ट हुने जताकतै फोहोर भयो भने हाम्रो स्मार्टको कुनै अर्थ हुदैन ' यहाँ भएको सबै फोहोरमैलाहरु हामीले नै गरेको तसर्थ हामीले नै सफा गर्नु पर्ने बताउदै कार्यक्रममा उपस्थितहुने सबैलाई धन्यबाद समेत व्यक्त गरे ।
