जेष्ठ नागरिकलाई स्वर्गद्वारी दर्शन

सन्तोष सुनार प्युठान । प्युठान नगरपालिकाले जेष्ठ नागरिकलाई स्वर्गद्वारी मन्दिरमा भ्रमण तथा दर्शन गराउन लगेको छ । शुक्रवार प्युठान नगरपालिका भित्र रहेका दशवटा वडामध्ये प्रत्येक वडाबाट ७ जनाका दरले ७० जना र थप दुईजना गरी ७२ जना  ७० वर्ष भन्दा माथिको जेष्ठ नागरिकलाई प्युठान जिल्लाको प्रमुख धार्मिकस्थलको रुपमा रहेको स्वर्गद्वारी दर्शन तथा भ्रमण लगिएको प्युठान नगरपालिकाका नगर प्रमुख विष्णु बहादुर योगिले जानकारी दिनुभएको छ । जेष्ठ नागरिकहरुमा लाई भ्रमण तथा स्वर्गद्वारी मन्दिरमा दर्शन गराउनुको मुख्य उदेश्य भनेको आन्तरिक पर्यटन प्रवद्धन गर्न जेष्ठ नागरीकलाई सम्मानका साथ लगिएको नगर प्रमुख योगिले बताउनु भयो । भ्रमणमा सवारीसाधन दुईवटा बस लगिएको छ । नागरीकलाई पुजा गर्ने पुजा सामाग्री , खाना, आवासको व्यवस्था नगरपालिकाले गरेको छ । भ्रमण दुई दिनको रहेको छ । शनिवार पुजा आर्जना गरी साझ फर्किने नगर प्रमुखका स्वकिय  सचिव पुस्कर शर्माले स्वर्गद्वारी अपडेटलाई जानकारी दिनुभयो ।भ्रमणमा जेष्ठ नागरिकहरुको हेरचाहका लागि प्युठान नगरपालिकाका नगर प्रमुखका स्वकिय सचिव पुस्कर शर्मा , नगर प्रवक्ता तथा ३ का वडा अध्यक्ष सुमन राज श्रेष्ठ , आर्थिक प्रशासकिय सहायक चन्द बहादुर जि.सी ,  महिला तथा बालबालिका शाखा प्रमुख मन्जु धिताल  ,सन्चारकर्मी गन बहादुर विक र गामवेशि अपटेड युवटुवका सन्चालक तेजेन्द परियार जानुभएको छ ।