एक पुरुषका १० श्रीमती, ९८ छोराछोरी र ५६८ नातिनातिना छन् । परिवारमा सात सयभन्दा बढी सदस्य छन् । यो परिवार संसारकै सबैभन्दा ठूलो परिवार भएको बताइएको छ । अफ्रिम्याक्स इङ्लिशले भर्खरै यस परिवारलाई भेट्यो। अफ्रिकी देश युगान्डाको बुटालेजा जिल्लामा बस्ने ६७ वर्षीय मुसा हसदजी परिवारका प्रमुख हुन् ।
मुसाले आफ्ना दश श्रीमती रहेको र सबै एउटै घरमा सँगै बस्ने बताए । उनका १० श्रीमतीबाट ९८ सन्तान छन् । यी सन्तानबाट उनका ५६८ नातिनातिना छन् । मुसाले बहुविवाहलाई ईश्वरको वरदान भने। उनले युगान्डामा यति धेरै श्रीमती हुने एक मात्र पति भएको दाबी गरे ।
जब मुसालाई सोधियो कि उसलाई सबै छोराछोरी र नातिनातिनाको नाम थाहा छ ? यसमा उनले आफूले उनीहरूलाई छुट्याउन सक्ने तर सबैको नाम भने सम्झना नभएको बताए ।मुसाले भने कि जब उनी १७ वर्षको थिए, उनको पहिलो बच्चा जन्मिएको थियो। मुसाका धेरै छोराछोरी विवाहित छन्, धेरै पढिरहेका छन्।
मुसाले घर नजिकै आफ्ना छोराछोरीहरूका लागि झुपडीहरू पनि बनाए। मुसाकी जेठी श्रीमती हनिफा हसदजी, कान्छी श्रीमती काकाजी हुन्। काकाजीको उमेर मुसाका धेरै नातिनातिनाको उमेरभन्दा कम छ। मुसा भन्छन्, ‘दश बिहेसम्म उनको चक्र चल्यो, तर अब उनको बिहे गर्ने मन छैन ।’
