रुख चिन्हमा उम्मेदवारलाई मात्र मत माग्न आउने छु :पोखरेल

स्वर्गद्वारी अपडेट  ,प्युठान  नेपाली कांग्रेस केन्द्रीय सदस्य प्रा .डा. गोबिन्द राज पोखरेलले सामाजिक संजाल मार्फत आफ्नो  केहि भनाई लेखेका छन् ।गृहजिल्ला प्युठान बाट संघीय चुनाबको टिकट जनमोर्चाले पाए आफुले रुखमा चिन्हमा  मात्र  भोट माग्ने बताए। पोखरेलको भनाई प्रति धेरै शुभचिन्तकहरुले प्युठानको बिकासको निम्ति तपाईको उम्मेदवार जरुरि र अपर्हार्य रहेको छ ब्यक्त गरेका छन्  ।  “ प्युठानका धेरै साथिहरुको फोनको स्पष्ट जवाफ दिन गाह्रो भएको धेरै दिन भयो। राजनीतिक रुपले बिभिन्न्न दिशामा फर्केका दलको चुनावी गठवन्धनको रसाकसि चलेकै छ। प्रारम्भिक सुचना अनुसार प्युठानको संघिय प्रतिनिधिसभाको उम्मेदवार गठवन्धनका तर्फवाट राष्ट्रिय जनमोर्चाले पाउने अनुमान गर्न सकिन्छ। प्युठानवाट संघमा प्रत्यक्ष उम्मेदवारका लागि नेपाली काग्रेस प्युठानले मेरो, दुईजना पुर्व सभापति ( सुवासजी, अमरजी), पुर्व जिल्ला सचिव (शिवजी) लगायत ६ जनाको नाम शिफारिस गरेको थियो। २०७४ को संघिय निर्वाचनमा वाम गठवन्धनको तर्फवाट राजमोकी नेतृ दुर्गा पौडेलले नेपाली काग्रेसको उम्मेदवार मलाइ पराजित गर्नु भएको थियो। अहिले उहानै नेका-वाम गठवन्धनवाट फेरि उम्मेदवार हुने चर्चा छ। यस पटक उहा हामीसंग गठवन्धन गरि २०७४ को गठवन्धनको सबै भन्दा ठुलो दल एमाले संग प्रतिस्पर्धा गर्दै हुनुहुन्छ। यी सबै परिदृष्य अहिले गठवन्धनको रस्साकस्सी चलिरहदा वाहिर अनौपचारिक रुपमा आएका समाचारका आधारमा गरिएका अनुमानहरु हुन। म २०७४ सालमा नेपाली काग्रेसको तर्फवाट उम्मेदवार हुदा करिव ३१२८६ भन्दा वढी प्युठानी दाजुभाई दिदीवहिनिहरुले मलाई माया गरि मत दिनु भएको थियो। त्यसपछि म प्युठानका ६४ मध्ये ६३ वार्डमा पटक पटक दाजुभाई दिदीवहिनिहरुको घरआगनमा पुग्ने मौका पाए। मेरो उम्मेदवारीका लागि सिफारिस पनि भएको र जनताको सुखदुखमा आफुले सकेसम्म सहभागि भएकोले धेरैले फेरि पनि म नेपाली काग्रेसवाट उम्मेदवार भई आओस भन्ने ईच्छा गरेको पाएको छु। तर अनौपचारिकरुपमा बाहिर आएका समाचारका आधारमा म फेरि रुख चिन्ह लिएर उम्मेदवार भई आउने सम्भावना माथि प्रश्न चिन्ह लागेको छ। तर औपचारिक समाचार नआउदा सम्म सम्भावना छदैछ। यदि बाहिर आएका गठवन्धनका समाचार सहि भएमा म प्युठानी जनताका बीच रुख चिन्हमा पार्टी र पार्टीको उम्मेदवारलाई मात्र मत माग्न आउने छु। नेपाली काग्रेसका उम्मेदवारलाई बिजयी गराउन विनम्र अनुरोध पनि गर्दछु। तपाईहरुको दुखसुखमा सधै साथ रहनेछु। मलाई अन्य किसिमले प्युठानमा संघिय उम्मेदवार हुनुहोस भन्ने धेरै शुभेच्छुक र साथिहरुको प्रस्तावमा म पार्टीको केन्द्रीय सदस्य भएकोले गम्भीर छु तर प्रस्तावलाई सकारात्मकरुपले लिएर उपायहरु खोज्दै छु। यस बीचमा केहि नयॅा परिदृष्यको विकास भएमा अवस्य जानकारी गराउने छु। जय प्युठान!!! जय नेपाल !!