बैंकको एटीएम तोडफोड गर्न खोज्ने व्यक्ति खुकुरीसहित पक्राउ

स्वर्गद्धारी अपडेट । पोखरा महानगरपालिका ६ लेकसाइड बाराही चोकस्थित एनएमबी बैंकको एटीएम फुटाउँदै गरेको अवस्थामा एकजना पक्राउ परेका छन्। धादिङ त्रिपुरा सुन्दरी गाउँपालिका ५ सल्यानटार घर भएका २५ वर्षीय मनोज कुमाललाई प्रहरीले पक्राउ गरेको छ । एकजना पुरुषले एटीएम फुटाइरहेको भन्ने खबर गरेपछि वडा प्रहरी कार्यालय बैदामबाट खटिएको प्रहरीले उनलाई एटीएम फुटाउँदै गरेको अवस्थामा पक्राउ गरेको हो। उनको साथबाट १ थान खुकुरी समेत बरामद भएको प्रहरीले जनाएको छ। घटनाबारे प्रहरीले थप अनुसन्धान गरिरहेको छ ।