अनुज पछाई ,प्यूठान । प्यूठानका निजामति कर्मचारीले पोष्टर टासेर कार्यालयको काम गर्ने गरेका छन । सोमबार देखि कार्यालय समयमा कर्मचारीले पोष्टर टासेर काम सुरु गरेका हुन । कर्मचारीमैत्री संघिय निजामती ऐन तत्काल जारी गर्र्न माग गर्दै कर्मचारीले बिरोध स्वरुप उक्त कार्य गरेका हुन । यो प्रकृया ४ दिन अर्थात भाद्र २ गते सम्म निरन्तर गर्ने नेपाल निजामति कर्मचारी संगठन प्यूठानका अध्यक्ष हरि प्रसाद पौडेलले बताएका छन ।
कर्मचारीहरुको विगत लामो समयदेखि संघिय निजामति सेवा ऐन, प्रदेश निजामति सेवा ऐन तथा स्थानिय तहमा कर्मचारि ऐन जारी गर्न र निर्माण प्रकृयामा सरोकारवालाहरुको सहभागीताको सुनिस्चितता कायम गर्न माग गरिएको छ ।
कर्मचारीहरुले छातिमा “कर्मचारीमैत्री संघिय निजामती सेवा ऐन जारी गर ।” लेखिएको पोष्टर टासेर बिरोधको कार्यक्रम गरेका छन ।
