प्युठान।नेपाल नेत्रज्योति संघको आयोजनामा माण्डवी गाउँपालिकामा निःशुल्क आँखा शिविर सम्पन्न भएको छ।मंसिर ४ गते देखि ८ गतेसम्म संचालन भएको शिविरमा पालिकाको ५ वटै वडामा आँखा निःशुल्क परीक्षण गरिएको हो।
माण्डवी गाउँपालिका–३ देबिस्थान स्थित माण्डवी आधारभूत अस्पतालमा सोमबार सम्पन्न आँखा शिविर मार्फत १ सय २० जनाको आँखा परिक्षण गरि ३७ जनाको मोतिबिन्दुको निःशुल्क शल्यक्रिया गरिएको लमही आँखा अस्पतालका नेत्र सहायक अमृत नेपालले जानकारी दिए।
आँखा शिविरमा माण्डवी गाउँपालिकाका अध्यक्ष नमराज अधिकारीले आँखा उपचारको पहुँच र आर्थिक अभावमा लामो समयदेखि दृष्टिविहिन बस्न बाध्य भएका बिरामीहरुले आफ्नो घर आँगनमै आँखा उपचार सेवा पाएपछि खुसी हुँदै स्वास्थ्यकर्मीहरुलाई धन्यवाद समेत दिएका थिए।आगामी दिनमा महिनाको १ पटक माण्डवी गाउँपालिकाका जनतालाई लमही आँखा अस्पतालले सेवा दिने समेत तयारी रहेको अध्यक्ष अधिकारीले बताए।
आँखा स्वास्थ्य कार्यक्रम राप्ति आँखा तथा बहादुरगन्ज लमही आँखा अस्पतालका प्रमुख प्रोफेसर/डाक्टर प्रदिप बास्तोलाको नेतृत्वमा १३ जना विशेषज्ञ टोलिले आँखा शिविर सञ्चालन गरेको हो।उक्त टोलिले केहि दिन रोल्पामा समेत निःशुल्क आँखा जाँच तथा शल्यक्रिया शिविर सम्पन्न गरेको थियो।
कार्यक्रममा माण्डवी गाउँपालिकाका अध्यक्ष नमराज अधिकारी(रोशन) उपाध्यक्ष पूर्ण प्रसाद कालाथोकी, वडा -३ का वडाध्यक्ष धनेन्द्र कार्की, स्वास्थ्य शाखाका उपस्वास्थ्य प्रमुख नारायण जिसी र हेल्थ असिस्टेन्ट जानुका साउद उपस्थिती थिए।
नेपाल नेत्रज्योति संघ, आँखा स्वास्थ्य कार्यक्रम राप्ती तथा बहादुरगंज लमही आँखा अस्पतालको आयोजना एवं प्राबिधिक सहयोग, माण्डवी गाउँपालिकाको व्यवस्थापन र नर्वेकी Inge Sollerud को आर्थिक सहयोगमा शिविर सञ्चालन गरिएको हो।
