प्युठान।रगतको अभाव हुन नदिन राष्ट्रिय युवा संघ नेपाल प्यूठानले रक्तदान कार्यक्रम गरेको छ।शनिवार राष्ट्रिय युवा संघ नेपाल प्यूठानको आयोजना र रक्त संचार केन्द्र प्यूठानको ब्यबस्थापनमा जिल्ला अस्पताल बिजुवारमा रक्तदान कार्यक्रम गरिएको हो।
कार्यक्रमको प्रमुख अथिति लुम्बिनी प्रदेश सभा सदस्य तथा पुर्व मन्त्री तुल्सीराम शर्माले रगत अभावमा कसैले ज्यान गुमाउन नपरोस् भन्ने उदेश्यले आयोजना गरिएको रक्तदान कार्यक्रममा सम्पूर्ण रक्तदाताहरुलाई धन्यबाद ज्ञापन गरे।
बार्षिक कार्ययोजना र केन्द्रिय कमिटीको निर्देशन अनुसार कार्यक्रम सम्पन्न गरिएको युवा संघ प्यूठानका अध्यक्ष महेश पाण्डेले बताए।अस्पतालमा हुने उपचारमा रगत उपलब्धता सहजताको लागि रक्तदान कार्यक्रम आयोजना गरिएको अध्यक्ष पाण्डेको भनाई छ।
जिल्ला अध्यक्ष पाण्डेको अध्यक्षतामा भएको कार्यक्रममा नेकपा एमाले प्रदेश कमिटी सदस्य श्रीधर रोका, नेकपा एमाले जिल्ला पार्टी सचिब इन्द्रमणी, पोख्रेल, उपसचिव हिरामणी भण्डारी, प्युठान उद्योग वाणिज्य संघका अध्यक्ष सन्देश आचार्य, नेपाल पत्रकार महासंघ प्युठानका अध्यक्ष श्रीराम भण्डारी, सचिब वासुदेव गिरी, पुर्व सचिब बिजय सिंह भारती, नेपाल स्वयंसेवी रक्तदाता समाजका मनु लामा, पत्रकार लगायत नेता कार्यकर्ताको उपस्थिती रहेको थियो।
सो कार्यक्रमको अवसरमा २० जना रक्तदाताहरुले रक्तदान गरेको आयोजकले जनाएको छ।
