प्यूठान।स्वर्गद्वारी नगरपालिका १ कोचीबाङमा रहेको नेपाल राष्ट्रिय माध्यमिक बिद्यालयमा सञ्चालन भएको नि:शुल्क स्वास्थ्य शिविरमा १ सय ८९ जनाले स्वास्थ्य जाचँ सेवा लिएका छन ।
शनिवार म अभियान प्यूठानको आयोजना, स्वर्गद्वारी नगरपालिका र स्वास्थ्य कार्यालयको समन्वयमा एक कार्यक्रमका विच सञ्चालन गरीएको नि:शुल्क स्वास्थ्य शिविरमा ४६ जना पुरुष र १ सय ४३ जना महिला गरी एक सय ८९ जनाको स्वास्थ्य जाचँ गरिएको सहजिकरणकर्ता मोहन सुवेदीले जानकारी दिए । जसमा १३ जनाको भिडियो एक्सरे ,१ सय पाचँ जनाको रगत र पिसाब जाचँ गरिएको र बाकीहरुको उचाई अनुसार तौलको मात्रा जाचँ गरिएको सुवेदीले बताए ।
म अभियान प्यूठानका अभियान्ता सुमन सुवेदीले ग्रामिण बस्तीका नागरिकहरु अस्पतालबाट टाढा र आर्थिक अवस्थामा पनि न्यून भएको कारण आफ्नो शरिर जाचँ गर्न नसक्ने हुँदा सानो समस्याहरुबाट उनीहरुको ज्यान जान सक्ने भएकाले हामीले कोचीबाङका बस्तीका नागरीकलाई मध्यनजर गरी नि:शुल्क स्वास्थ्य शिविर जाचँ सञ्चालन गरेको बताए।प्यूठानका विगट क्षेत्रहरुमा आवश्यकता अनुसार म अभियान सहयोग गर्दे आएको समेत अभियान्ता सुवेदीको भनाई छ।
कोचीबाङ स्वास्थ्य चौकीका प्रमुख भरत खड्काले वडावासीहरुमा आई नि:शुल्क स्वास्थ्य शिविर सञ्चालन गरी टेवा पु¥याएकामा अभियानका टिमलाई धन्यावाद दिएका थिए।वडावासीहरु नि:शुल्क रुपमा आफ्नो स्वास्थ्य जाचँ गर्न पाउदा निकै खुसी हुदै आभार प्रकट गरेका छन ।
वडा अध्यक्ष मेघराज जिसीको अध्यक्षतामा भएको कार्यक्रममा नगर प्रवक्ता सुरज सुनार , डा. सन्तोष केसी , पौडेश शर्मा , जमुना विष्ट , जाथिर आलम , फार्मेशी रामचन्द्र पौडेल , नागरीक सरोकार समाज प्यूठानका सदस्य निरज सुवेदी तथा वडावासीहरुको सहभागीता थियो ।
