प्युठान। माण्डवी गाउँपालिकाको आयोजनामा लागुपदार्थ,धुम्रपान र मध्यपान नियन्त्रण सम्बन्धि सचेतना कार्यक्रम आइतबार देखी संचालन हुँदै छ।गाउँपालिकाको दश वटा बिद्यालयहरुमा सो कार्यक्रम संचालन गर्ने गाउँपालिकाले जनाएको छ ।
विद्यालयस्तरबाटै बालबालिकालाई सचेत गराउन माण्डवी गाउँपालिकाको दश वटा विद्यालयमा लागूऔषधविरुद्ध सचेतना कार्यक्रम सञ्चालन गर्ने माण्डवी गाउँपालिकाको प्रमुख प्रसाशकिय अधिकृत प्रकाश पाण्डेले बताए। स्थानीय युवाहरूलाई लागूऔषध दुर्व्यसनीबाट हुने बेफाईदा र त्यसले समाजमा पार्ने नकारात्मक प्रभाव बारेमा सचेतना जगाउने उद्धेश्यले कार्यक्रम सुरु गर्न लागेको अधिकृत पाण्डेको भनाई छ ।
उक्त कार्यक्रममा लागूऔषध दुर्व्यसनी , यसले स्वास्थ्य र समाजमा पार्ने असर, शिक्षा, स्वास्थ्य रोजगारका क्षेत्रमा पार्ने असरका बारेमा अभिनयद्वारा रास्ट्रीय स्तर ख्यातीप्राप्त कलाकारहरु प्रस्तुति समेत हुने माण्डवी गाउँपालिकाका अध्यक्ष नमराज अधिकारी(रोशन)ले बताए।
यसअघि जिल्ला प्रहरी कार्यालय प्युठानले विद्यालयस्तरमा सचेतनामूलक कार्यक्रम गरी शिक्षक, विद्यार्थी, अभिभावकलाई लागूऔषधविरुद्ध सचेतना र कानुनी ज्ञानका विषयमा सचेतना गराउँदै आएको थियो ।
कार्यक्रम हुने स्थान र समय -
![](https://sworgadwariupdate.com/wp-content/uploads/2024/06/SUCHANA-447x630.jpg)