स्थानीय उत्पादनको बजार प्रवर्धन गर्ने उद्देश्यसहित सञ्चालनमा ल्याइएको कोसेली घर ९ महिना देखि बन्द अवस्थामा रहेको छ। माण्डवी गाउँपालिकाको लगानीमा निर्माण भएको कोसेली घर साना किसान सहकारी संस्थाले सञ्चालनमा ल्याइएको थियो।
माण्डवी गाउँपालिका-३ जस्पुर स्थित कोसेली घर ९ महिना पहिले सञ्चालनमा ल्याइएको थियो।प्रदेश सरकारको सहयोगमा गत आर्थिक बर्ष ०७८/०७९मा १० लाखमा माण्डवी गाउँपालिकाले उक्त कोसेली घर निर्माण गरेको थियो।साना किसान सहकारी सँस्थाको व्यवस्थापक नितु भण्डारीले घरमा स्थानीय उत्पादन जम्मा गरिएको भए पनि बजारीकरणको समस्याका कारण बन्द भएको बताईन ।
कोसेली घरबाट स्थानीय उत्पादन मकै,दाल,मह,घ्यु, बिक्री गरिँदै आएको थियो।माण्डवी गाउँपालिका प्रमुख प्रसासकिय अधिकृत प्रकास पाण्डेले कोसेली घर पुनः सञ्चालनका लागि पहल गरिने बताएका छन।
